令我將來感到迷失

我同太太四月份到英國探望太太嘅大舅父一家，遊覽徹斯特時，發現當地嘅輕鐵好似香港嘅輕鐵，令我感受到返到屋企嘅感覺。返到香港之後，開始考慮到英國住嘅念頭。呢個月，我地知道太太嘅表妹再次搬到香港，令我將來感到迷失。

勾起我細個嘅開心回憶2

早排我去荃灣廣場嗰間Apeland室內遊樂場，見到部Roller Ball🎳機械遊戲機，佢勾起我細個嘅開心😄回憶。我細個嗰陣，老豆帶我去出奇老鼠同後來嘅歡樂天地。我鐘意玩嗰部Roller Ball🎳機械遊戲機，鐘意到情度，我用硬卡紙整咗個簡易版本嘅Roller Ball🎳遊戲機，係屋企玩。直到1999年歡樂天地全線執笠，我冇再玩Roller Ball🎳機械遊戲機。 

我係Apeland見到阿Bob一家4口！

天氣炎熱，好難受。It was sweltering, I felt so uncomfortable.

尋日，天氣炎熱🔥、好曬🌞同冇風，氣溫33°C/92°F，濕度62%。我出街3個鐘，衫👕同底褲都沾滿汗，好難受😫，返到屋企要即克沖涼。

我改用銀行app到ATM機撳錢

三月份最後一個禮拜嘅某一晚，我到ATM機撳錢。好唔好彩，部ATM機系統當機。結果，我要打電話到銀行熱線求助。職員通知我，一個禮拜後，銀行會寄張新卡畀我。

呢一個禮拜，我用銀行app到ATM機撳錢。雖然每日撳錢金額有限，但係撳錢過程方便同安全，即使我收到張新卡，我習慣用銀行app到ATM機撳錢。

勾起我細個嘅開心回憶

早排我去青衣嗰間noba noba室內遊樂場，見到部Roller Ball🎳機械遊戲機，佢勾起我細個嘅開心😄回憶。我細個嗰陣，老豆帶我去出奇老鼠同後來嘅歡樂天地。我鐘意玩嗰部Roller Ball🎳機械遊戲機，鐘意到情度，我用硬卡紙整咗個簡易版本嘅Roller Ball🎳遊戲機，係屋企玩。直到1999年歡樂天地全線執笠，我冇再玩Roller Ball🎳機械遊戲機。

夏天忽然嚟到

 以往夏天大約四月尾嚟到，但係今年過咗春分後，夏天忽然嚟到😱，最高溫度升到攝氏31度。打亂咗我嘅計劃，我要提早洗風扇同冷氣機隔塵網。

泰亞萊海南雞專門店唧嘅冬蔭功湯

今日，我同老婆去泰亞萊海南雞專門店深水埗分店食午餐。我飲咗冬蔭功湯，有香茅味、酸味同辣味。有泰國水準，有驚喜😋！

雖然用咗3年嘅第2代iPhone SE重係好順，但係佢好快冇電。

自己曾經用過一啲Andriod電話，例如：三星SIII mini、A5同G8。呢啲Andriod電話用咗2年之後，都會出現空間唔夠嘅情況，後來我改用iPhone。

雖然我部第2代iPhone SE📱用咗3年重係好順，但係佢個電池🔋老化，好快冇電。我只好買電量更大嘅iPhone15📱。

今年唱紙幣慳咗好多時間

今年，匯豐銀行提供20蚊紙幣同50蚊紙幣嘅自動櫃員機，方便結咗婚嘅人禁錢💲，準備封利士。以前，我哋要係分行入面排隊唱紙幣。今年，呢個新服務真係幫到我哋慳咗好多時間，真係一大得政。😄

今年教會退修有別於以往

今年教會退修有別於以往，今年教會退修期間，我哋要行樓梯、行斜同行山路。好在我舊年有去行山，所以我應付到今次退修。希望下次教會退修前，能夠早啲同詳盡講畀我哋知。

我同老婆都患咗甲型流感

我同老婆都患咗甲型流感，病徵包括：鼻塞、流鼻涕、咳、喉嚨痛、等等。辛苦情度泊得著舊年自己患咗COVID-19 Omicron。我哋睇咗醫生，休息差唔多2個禮拜先至好返。

阿漢邀請我哋去佢屋企

阿漢一家排申請公屋好多年，今年佢哋成功申請到公屋。呢幾個月教會嘅弟兄姐妹，到佢新屋幫手。

今日，阿漢邀請我哋教會小組一班人去佢屋企，一齊慶祝佢哋入伙。我哋一齊傾計，一齊食嘢，我哋覺得好開心。

我同老婆去西貢行山，登上大嶺峒

禮拜二，長假期最後一日，我同老婆去西貢行山，登上大嶺峒。雖然過程辛苦，但係我哋睇到好靚風景，吸引好多後生嘅中國人行山。

一齊食飯做冬

尋晚，我、老婆同我父母到我家姐屋企。一齊食飯做冬。因為我哋有一段時間冇連絡，所以我哋傾計傾咗好耐。

第一次去台式燒烤舖

尋日，教會去大埔旅行，我吔去咗一間台式燒烤舖。因為自己第一次去呢類舖，所以我覺得好特別，好似露天打邊爐嘅舖頭。舖頭提供嘅舖嘢食新鮮，款色多。飲品，款色多。台式燒烤比港式燒烤更有效率，燒厚身嘢食容易熟。我哋一班人，一邊食嘢、一邊傾計，我吔覺得好開心。😄

感激佢幫手

 上星期，我患咗傷風病。我準時食藥，想自己快啲好返，但係返工嗰陣，自己受到藥物影響，工作效率差咗，好在有Wallance幫手，幫我減輕工作負擔。感激佢！

我同老婆去大澳

 上個禮拜日，我同老婆去大澳。睇到一啲富明清特色嘅屋、好靚嘅大自然風景、好食嘅雞蛋仔。

買電腦

近日發現已使用3年的電腦出現以下的問題：

1. 之前它試過無法顯示，加張顯示卡後，這個問題解決了。
2. 電腦關機過程，有時出藍畫面,懷疑RAM 或RAM Slot出現問題。
3. 加上突然關機問題。 集合這3個問題，底板壞的機會較大。

係網上睇過一啲Laptop，因為自己會長時間係屋企用電腦，加上資金有限，所以我決定買桌上電腦。星期日天文台改掛3號颱風後，我到百老滙買了一部Lenovo IdeaCentre 510S。